Durant l’onn van las giuvnas e giuvens dal vitg per differentas isanzas a ramassar raps tar la populaziun. Cun organisar ina sairada divertenta sco per exempel cun il cabarettist e satiricher appenzellais Simon Enzler, vulan els engraziar per il sustegn, ma era porscher dapli cultura en in vitg, nua che la vita è durant l’onn relativamain quieta.
Daco a Ramosch
«La populaziun en las regiuns perifericas appreziescha fitg la preschientscha d’ina persuna che sa preschenta normalmain be in centers e sin tribunas enconuschentas», di Simon Enzler. L’invit da la societad da giuventetgna da Ramosch ha el prendì encunter cun plaschair. Ses vischin en il chantun Appenzell Dadens è era da Ramosch ed uschia è naschida la colliaziun.
Ils musculs dal venter dals radund 200 preschents èn vegnids strapatschads. Per il president da la giuventetgna, Luca Nogler è stada la sairada cun il cabarettist Enzler, ina sairada reussida. L’idea è buna ed els vulan era en avegnir porscher attracziuns per ils abitants da Ramosch.
RR actualitad 06:00