Ramosch - Uschia duai vesair or l'entrada da la vischnanca

1 / 3

Legenda: Uschia duai vesair or l'entrada dal vitg Ramosch. Sin las spias èn notads ils nums da las fracziuns da Valsot (visualisaziun). MAD

2 / 3

Legenda: Visualisaziun da las spias planisadas. MAD

3 / 3

Legenda: La surdada dal premi sin la ruina Tschanüff a Ramosch RTR, Georg Luzzi

Las indesch spias stattan simbolicamain per las indesch fracziuns da la vischnanca da Valsot. Ellas duain er purtar mintgamai in dals nums da las fracziuns. Las spias stattan ultra da quai er per la vischnanca sco graner da l'Engiadina. Mintga spia vegnia construida ord fier ch'è dus centimeters gross. Uschia duain las spias ir in pau cun il vent.

Jau hai ina fitg stretga colliaziun cun l'Engiadina Bassa. Mia mamma e mia dunna èn da qua e perquai hai jau grond plaschair d'avair gudagnà la concurrenza e da pudair realisar quest project.

Legenda: Erik Süsskind, il graficher da Cuira ha gudagnà cun ses project l'occurrenza per embellir l'entrada da la vischnanca da Valsot. RTR

Tenor la giuria – che consista da represchentantas e represchentants da politica, pliras fundaziuns ed uniuns – hajan las spias persvas entras lur moda simpla e cun lur connex direct cun l’istorgia da Valsot. Las spias hajan er in connex direct cun las duas bierarias en la regiun.

Plinavant na custa l'inscenaziun betg dapli che 100'000 francs. Totalmain èn vegnidas inoltradas 17 propostas per l'entrada dal vitg.