Engiadina - Ramun Ratti nov manader da la Golf Engiadina SA
Il cussegl administrativ da la societad ha elegì a Ratti sco successur da Daniel Schaltegger che mida la fin da la stagiun da stad tar l’organisaziun da las mastranzas mundialas da skis San Murezzan 2017.
Ramun Ratti è dapi il 2008 assistent dal maina gestiun da la Golf Engiadina San Murezzan SA. Sco ch’il cussegl scriva en la communicaziun da medias possedia l’um da 35 onns in diplom sco manager da gestiun da golf IST, Düsseldorf.
Ratti vegn a surpigliar la direcziun operativa l’emprim da november 2015 e cun quai manader da las duas plazzas da golf a Samedan ed a Zuoz-Madulain.
