Per fusiunar las 8 plaivs da Segl-Silvaplauna-Champfèr, da San Murezzan, da Zuoz-Madulain, da S-chanf-Cinuos-chel, da Las Agnas-Bever-La Punt, da Puntraschigna, da Samedan e da Schlarigna, ha mintgina singula da decider ils commembers a las radunanzas da las corporaziuns evangelicas.
Opposiziun organisada
Che la plaiv da Zuoz-Madulain na vul betg sa participar a la fusiun da las baselgias en Engiadin’Ota, saja deplorabel, dentant d’acceptar sco decisiun democratica, ha declerà Roman Bezzola, il co-manader dal project da fusiun. Che las opiniuns sajan dentant gia stadas fatgas per gronda part avant la votaziun il glindesdi saira a Zuoz.
Il proceder va vinavant, nus na midain betg las reglas entamez il gieu.
1 raspada ha anc da decider
Entant han gia vuschà 7 plaivs davart la fusiun en Engiadin'Ota. Uss manca anc la decisiun da la plaiv da Schlarigna, venderdi ils 24 da zercladur 2016.
Ils resultat da votumaziun fin uss
| Data | Plaiv | Gea | Na | Abstenziun |
| 20.06.2016 | Segl/Silvaplauna/Champfèr | 27 | 0 | 0 |
| 20.06.2016 | San Murezzan | 41 | 8 | 1 |
| 21.06.2016 | Samedan | 46 | 1 | 0 |
| 24.06.2016 | Schlarigna | 18 | 3 | |
| 21.06.2016 | Puntraschigna | 24 | 3 | 1 |
| 21.06.206 | Las Agnas (Bever/La Punt) | 18 | 0 | 0 |
| 20.06.2016 | Zuoz | 24 | 29 | 0 |
| 20.06.2016 | S-chanf / Cinuos-chel | 17 | 9 | 0 |
| 22.06.2016 | Total | 197 | 50 | 2 |
Repeter procedura
Suenter ch’ils resultats da tut las 8 plaivs èn enconuschents, hajan ins dad ir anc ina giada sur ils cudeschs ed elavurar danovamain il project cun ils novs perimeters, ha declerà Roman Bezzola. Suenter han quellas plaivs che han gia approvà il project, da tractar la fusiun anc ina giada davant radunanza.
RR novitads 16:00