Siglir tar il cuntegn

Header

cuntegn

Engiadina Reabilitaziun ambulanta per pazients da cor en Engiadin'Ota

A partir da questa stagiun d'enviern vul la societad d'aczias "Santasana St.Moritz" porscher programs individuals per pazients da cor. En il rom da la conferenza da sanadad e turissem Engiadin'Ota è il project vegnì preschanta per l'emprima giada. Finamira saja da tractar 200 persunas l'onn.

Quai generass radund 10'000 pernottaziuns l'onn a l ‘Engiadin’Ota.

audio
Mezdi: project da reabilitaziun per pazients da cor a San Murezzan
ord RTR Audio dals 22.09.2016.
laschar ir. Durada: 3 minutas 8 Secundas.

Mainagestiun da "Santasana St.Moritz" e Christoph Schlatter, il manader da l'hotel Laudinella e Reine Victoria. Ensemen cun l'hotel Kempinski èn quai entant ils hotels da cooperaziun dal project.

In program individual accumpagnà da spezialists

L'idea è numnadamain ch'ils pazients vegnan en Engiadin'Ota apaina ch'els èn stabils e pernotteschan en in dals hotels ni era in auter u l'abitaziun da vacanzas. Santasana metta sin quai ensemen in program da terapia individual en il clima d'autezza da l ‘Engiadin’Ota. Adina accumpagnads da medis.

Plinavant duain ils pazients era vegnir accumpagnads scientificamain per mussar si che effects che l'autezza ha.

A partir da quest'enviern

Tenor l'iniziant dal project, Viktor Fässler duai tut esser pront per questa stagiun d'enviern. Fässler è affarist da Turitg, posseda ina segunda abitaziun a San Murezzan ed era savess pazient dal cor. El ha gì in infarct ed è sin quai vegnì en Engiadin'Ota per sa remetter. Quai saja stat il meglier ch'el haja pudì far. E quai duai esser pussaivel era per auters.

Artitgels legids il pli savens