Siglir tar il cuntegn
cuntegn

Engiadina Reavertura dal Münsterhof cun concept nov

130 onns, sis generaziuns dus manaders. Linus e Kevin Meyer han surpiglià e fabritgà enturn l’hotel da tradiziun che ha avert oz sias portas.

Legenda: Guardar il video Dus giuvens da la Val Müstair dattan nova vita al hotel Münsterhof. Durada 02:40 minutas.
Or da Telesguard dals 01.06.2018.

Blers hotels han da cumbatter per chattar successurs. Il Münsterhof è in dals paucs hotels en Engiadina Bassa ed en la Val Müstair che ha chattà la soluziun en l’atgna famiglia. Ils dus frars Kevin e Linus han surpiglià l’hotel da lur geniturs. Il Münsterhof era in hotel tradiziunal da trais stailas. Ils novs possessurs han vulì midar il concept per pudair surviver en il sectur da l’hotellaria.

Concept da «b&b»

Sa distinguer da la concurrenza è ina da lur devisas ed era da daventar pli economics. In hotel che dovra main persunal e che porscha quai ch'il giast giavischa era lur visiun. Lur soluziun è in hotel cun appartaments gronds e stanzas da «bed and breakfast» cun in Bistro-Café.

Finanziaziun entras crowdfunding

La finanziaziun na era dentant betg simpla. Els avessan gugent survegnì sustegn finanzial da l’agid da muntogna, da la societad da credit d’hotel ni da l’uffizi d’economia e turissem. Quai sustegn n'han els dentant betg survegnì. Cun in’acziun da crowdfunding han ils frars rimnà varga 40’000 francs che mancavan anc.

RR actualitad 17:00