Siglir tar il cuntegn

Header

Il quartier da Rachögna a Scuol
Legenda: Sin il terren marcà cun in quadrat vegniss fabritgà il nov hotel a Scuol. RTR, Reto Mayer
cuntegn

Engiadina Recurs cunter il project d'in hotel a Scuol

Il project per in hotel da ressort a Scuol sper las pendicularas survegn retard. Il vischin da questa parcella ha inoltrà in recurs cunter il project, il cas è entanttar la Dretgira administrativa grischuna.

Il project prevesa in hotel cun 100 stanzas e radund 200 letgs. Ils investiders èn la gruppa Belvédère Hotels da Scuol, l’Acla da Fans ed il biro d’architectura Fanzun da Cuira. Il project prevesa investiziuns da 15 fin 20 milliuns francs.

Recurs cunter il plan da furmaziun

Ils iniziants dal project avevan tschertgà il discurs cun il vischin da questa parcella avant che avrir la procedura dal plan da furmaziun. Lezza giada eran ils discurs stads positivs. In mez onn pli tard ha quel tuttina inoltrà in recurs ch'è il mument tar la Dretgira administrativa grischuna.

Christian Fanzun, il capo da vischnanca da Scuol, spera che la dretgira decidia bainbaud. Sche la decisiun croda a favur da la vischnanca, po il recurrent trair il cas vinavant fin la Dretgira federala a Losanna.

RR actualitad 08:00

Artitgels legids il pli savens

Scrollar a sanestra Scrollar a dretga