Cunter la punt planisada tranter la staziun da Samedan ed il territori Cho d’Punt datti opposiziun. Quai scriva il Cussegl communal en ina communicaziun. Cun totalmain 307 suttascripziuns valaivlas è vegnì fatg in referendum cunter il credit.
«Gea» stgars en december – cun 44:43 vuschs
Il december passà han ils da Samedan acceptà la dumonda per in credit da 1,6 milliuns francs per la colliaziun. Quella colliaziun directa tranter staziun e vitg è previsa per il traffic betg motorisà. La decisiun è dentant crudada mo stgars – cun 44 encunter 43 vuschs.
Il nov termin da votaziun è previs per ils 17 da matg. Là decidan ils da Samedan a l'urna davart il credit ed uschia davart la punt.
audio
Per tadlar: Las novitads da las 18:00
ord Novitads dals 24.01.2020.
laschar ir. Durada: 5 minutas 55 Secundas.
RTR novitads 17:30