Siglir tar il cuntegn
cuntegn

Engiadina Rega salva alpinist ord sfessa da glatscher

Al Piz Palü ha la societad da salvament Rega da Samedan salvà in alpinist ord ina sfendaglia dal glatscher.

Il mardi ha la societad da salvament Rega da Samedan salvà al Piz Palü in alpinist ord ina sfendaglia dal glatscher. Sco la Rega communitgescha era ina gruppa dad alpinists da return dal piz, cura ch’in um è crudà en la sfendaglia.

L'entira gruppa era sa liada vi dad ina suga, uschia che l’alpinist era pendì en ina profunditad da radund 8 meters. Ensemen cun la colonna d'agid dal Club alpin svizzer èsi alura gartegià da salvar l'um ord la sfendaglia. L'alpinist ha gì ina sfradentada ed è vegnì blessà levamain. El ha stuì vegnir transportà cun l'helicopter en l'ospital.

RR novitads 11:00