Regal da Nadal per la Val Müstair

Suenter passa 20 onns survegn la vischnanca da Val Müstair puspè sustegn finanzial da la vischnanca da Stäfa. Quai cun in credit general da 900’000 ed in emprest da fin 2 milliuns francs.

Fotografia da la Val Müstair Bild in Lightbox öffnen.

Legenda da maletgs: Da quest act solidaric duai la Val Müstair pudair profitar. ANR

Cun duas cuntravuschs ha la radunanza da Stäfa en il chantun da Turitg decidì da sustegnair la vischnanca da Val Müstair cun in credit general da 900’000 francs ed in emprest da fin 2 milliuns francs. Quai suenter che Stäfa aveva sustegnì la Val Müstair gia tranter il 1978 enfin il 1995 durant la meglieraziun cun passa 800’000 francs.

Il sustegn finanzial duai tenor la vischnanca da Stäfa oravant tut stgaffir premissas per impedir la depopulaziun en la Val Müstair. Quai cun promover projects sco per exempel il project da svilup PRE cun ina chascharia, in local per l’elavuraziun da charn ed in center da rimnada da graun.

RR novitads 17:00