La regenza grischuna ha concedì a l'Uniun lieu d'aventura Bernina Glaciers ina contribuziun chantunala da 415'000 francs. Il lieu d'aventura Bernina Glaciers collia las duas destinaziuns turisticas Engiadina San Murezzan e Val Puschlav. En il center stattan ils glatschers dal massiv dal Bernina cun l'aventura dal glatscher Diavolezza ch'è ina da las quatter attracziuns principalas dal project Alpine Circle Grischun.
La stagiun da stad duai vegnir prolungada vers la primavaira ed atun. En pli duai la purschida d'enviern vegnir activada cun sviluppar vinavant la purschida turistica. La contribuziun vegn pajada mintgamai per la mesadad da la Confederaziun e dal chantun en il rom da la Nova politica regiunala da la Confederaziun.