Engiadina - Regenza Grischuna approva planisaziun locala da Scuol/Nairs
La regenza dal chantun Grischun ha approvà la revisiun parziala da la planisaziun locala da Nairs en la fracziun da Scuol. Avant 5 onns era ars en quella zona la chasa da persunal dal l’hotel Palace. Fin oz n'è il bajetg betg vegnì remplazzà.
In investider indigen ha cumprà quella parcella cun l’intenziun da fabritgar la in edifizi d’abitar e da mastergn.
Pervi che quella chasa daventa pli gronda che prevedì ha stuì vegnir engrondida la zona. Quella vegn engrondida per radund 30 meters en direcziun ost vers Scuol. Uschia po l’investider uss inoltrar ina dumonda da construcziun.
