Siglir tar il cuntegn

Header

Navigaziun

cuntegn

Regenza grischuna Co passentan ils cussegliers guvernativs lur vacanzas?

La regenza grischuna va en la pausa da stad. Uschia sa legran er ils cussegliers guvernativs sin intgins dis libers.

Insacura dovra mintgin vacanzas. Uschia er ils cussegliers guvernativs da la regenza grischuna.

Trais dals tschintg cussegliers passentan lur vacanzas en la Svizra.

Jau fatsch vacanzas en mia uschenumnada homebase en Lumnezia.
Autur: Marcus CaduffCusseglier guvernativ

Sper Marcus Caduff passenta era Jon Domenic Parolini ina gronda part da sias vacanzas en il Grischun. El vegn a visitar differentas occurrenzas culturalas. Ma sper il Grischun fa el anc in pèr dis vacanzas a Vevey.

Jau ma legrel fitg sin la Fête des Vignerons. Quai è ina festa ch'ha sulettamain lieu mintga dus decennis ed è uschia insatge spezial. A chaschun da quella festa restain nus intgins dis en Svizra Franzosa.
Autur: Jon Domenic ParoliniCusseglier guvernativ

Betg franzos, però talian vegn Mario Cavigelli a discurrer en sias vacanzas en il Tessin.

Jau fatsch vacanzas ruassaivlas a Brissago en la chasa da vacanzas da mes geniturs.
Autur: Mario CavigelliCusseglier guvernativ

In zichel pli lunsch van ils dus ulteriurs cussegliers guvernativs. Era sch’il punct da partenza è per Christian Rathgeb Mustér.

Per mai datti quest onn vacanzas spezialas – nus maridain proxima sonda en baselgia a Mustér. Suenter giain nus sin viadi da nozzas en la Toscana e l'Algarva.
Autur: Christian RatgebCusseglier guvernativ

Sper la mar passenta era Peter Peyer ses dis libers, numnadamain amez la Mar Mediterrana.

Jau vom sco mintga onn en la Sardinia, cun auto e lura cun la navetta vi sur mar.
Autur: Peter PeyerCusseglier guvernativ

RR actualitad 08:00