Siglir tar il cuntegn

Header

cuntegn

Regenza ha lubì project OEE sanescha tschiffadas S-chanf

Las Ouvras Electricas d'Engiadina pon sanar trais tschiffadas d'aua sin territori da la vischnanca da S-chanf. Sco quai che l'interpresa communitgescha haja la regenza lubì il project per sanar las tschiffadas ch'èn dapi il 1970 en funcziun.

Las lavurs da sanaziun cumenzian la primavaira e possian vegnir terminadas il decurs da l'onn che vegn, hai num en la communicaziun. Las Ouvras Electricas d'Engiadina quintan cun custs da 12,5 milliuns francs.

Cun las trais tschiffadas retiran las ovras electricas mintg'onn radund 600 milliuns meters cubic aua che va en il lai artifizial Ova Spin. Silsuenter vegn l'energia creada en l'ovra electrica Pradella tar Scuol e Martina.

audio
Per tadlar: Las novitads da las 20:00
ord Novitads dals 21.04.2020. Maletg: RTR
laschar ir. Durada: 3 minutas 26 Secundas.

Artitgels legids il pli savens