Engiadina - Regenza sustegna pendiculara Lai dals Chöds
La regenza grischuna beneventa il plan directiv regiunal «cuntrada e turissem» dal cussegl cirquital da l'Engiadin'Ota. Quel tracta il tema «cuntrada» en ina moda che surpassa il sectur parzial classic da la protecziun da la cuntrada.
In accent en il plan directiv regiunal furma la pendiculara previsa al Lai dals Chöds che colliass ils territoris da skis Corvatsch e Corviglia.
La regenza accentuescha che quest project fiss da grond'impurtanza per il svilup turistic da l'Engiadin'Ota. Gist pervi da la pendiculara datti actualmain in conflict cun l'inventari federal da las cuntradas e dals monuments natirals.
