Siglir tar il cuntegn

Header

audio
Coordinaziun per fugitivs ucranais
Or da Actualitad dals 25.04.2022.
abspielen. Laufzeit 2 minutas 17 Sekunden.
cuntegn

Regiun Malögia I dovra lavur voluntaria per ils fugitivs

La Regiun Malögia sa prepara per ils fugitivs da l'Ucraina. Ina gruppa da lavur installada duai coordinar las lezias. Ella fa per quai in appel a voluntarias e voluntaris, sco era a magistras e magisters.

La gruppa da lavur, stgaffida da las 12 vischnancas da la regiun, s'imaginescha d'ina vart inscunters tranter indigens e fugitivs. Ed ella tschertga persunas da contact localas per dumondas dal mintgadi.

Da l'autra vart dovria persunas cumpetentas per instruir la lingua tudestga, ed eventualmain il talian, scriva la Regiun Malögia. Ed er ils uffants da scola ord l'Ucraina duain emprender tudestg, per ch’i giaja pli simpel d’arrivar en l’Engiadina.

Var 50 fugitivs ucranais sajan arrivads en l'Engiadin'Ota, di Andrea Gilli, il president da la regiun Malögia. Perquai ch'i vegnia adina pli blers, saja impurtant dad esser preparà.

RTR novitads 21:00

Artitgels legids il pli savens

Scrollar a sanestra Scrollar a dretga