Siglir tar il cuntegn

Header

cuntegn

Regiun Malögia La strategia da persistenza è in pass enavant

Ina retschertga incumbensada da la Regiun Malögia vegn a la conclusiun, ch'i dovra dapli spazi da viver, dapli energia regenerabla e pli pauc foodwaste.

La retschertga ha examinà dumondas da persistenza en las trais dimensiuns economia, ecologia e societad. La finamira era tenor ina communicaziun da la Regiun Malögia, da mussar l'opiniun da la populaziun che viva en la regiun. Bundant 560 persunas èn sa participadas tranter ils 10 e 25 schaner 2023 a la retschertga online, 78% vivan en la regiun.

Ina gronda part da las participantas enconuschan il pled u perfin la definiziun da persistenza. 90% èn era pronts da s'engaschar en chaussa. Sin basa da las respostas han sa mussads 10 top temas per il svilup persistent da la Regiun Malögia:

  • crear spazi da viver pajabel per indigens
  • crear spazi da viver per persunal
  • augmentar l'attractivitad da la regiun per la giuventetgna
  • augmentar la cumpart d'energias regenerablas
  • reducir food-waste
  • augmentar l'effizienza energetica tar edifizis
  • gidar a crear plazzas da tut onn
  • sviluppar products regiunals
  • evitar chemicalias che fan donn a l'ambient
  • augmentar l'effizienza en l'administraziun e la politica

Ils resultats da la retschertga furman la basa per la strategia da persistenza da la Regiun Malögia, ch'è ussa ida en consultaziun tar las vischnancas. Il zercladur duai lura vegnir decidì co enavant.

audio
Per tadlar: curt e cumpact
ord RTR Audio dals 28.04.2023.
laschar ir. Durada: 1 minuta 16 Secundas.

RTR novitads 12:00

Artitgels legids il pli savens