Siglir tar il cuntegn

Header

video
Premi da cultura Malögia per Lorenzo Polin e Simon Gabriel
Or da Telesguard dals 27.01.2022.
laschar ir. Durada: 4 minutas 47 Secundas.
cuntegn

Regiun Malögia Onur per Lorenzo Polin e Simon Gabriel

Quest venderdi vegn surdà il premi da cultura 2021 da la Regiun Malögia. L’actur e promotur da teater Lorenzo Polin da Samedan vegn undrà cun il premi principal. Il premi da promoziun survegn il giuven trumbettist e cornettist Simon Gabriel da S-chanf.

Lorenzo Polin (36) è actur, prelectur, organisatur, moderatur ed actualmain vid la scolaziun da purs. Dapi intgins onns dat el vinavant la passiun per il teater a giuvenils en l'Engiadin’Ota. Quai oravant tut cun sia societad da teater «DRAUFF».

La Regiun Malögia ha decis d’onurar l’engaschament dal Samedrin cun il premi cultural da la regiun, dotà cun 10'000 francs.

audio
Premi da cultura Malögia: Lorenzo Polin e Simon Gabriel
ord Actualitad dals 27.01.2022.
laschar ir. Durada: 3 minutas 24 Secundas.

Simon Gabriel (13) è scolar da la Scola da talents a Champfèr e suna trumbetta e cornet dapi ch’el ha sis onns. El vala sco talent excepziunal. Uschia è Simon Gabriel betg mo rivà sco in dals pli giuvens participants en finals da differentas concurrenzas da musica chantunalas e naziunalas, mabain ha il giuvenot era gia gudagnà emprims premis. Grazia a ses talent è el vegnì envidà  dal «Neues Zürcher Orchester» sco solist sin ina turnea tras la Svizra e la Germania.

Il premi da promoziun è dotà cun 5’000 francs e duai sustegnair al giuven musicist da cuntinuar sia furmaziun.

Premi da renconuschientscha

Ultra da quai survegn la Gammeter Media SA e la redacziun da la Posta Ladina era in premi da renconuschientscha dotà cun 2'000 francs. Quai per lur engaschament da rapportar ed infurmar la val e sur ils cunfins ora, sur da la cultura en la regiun – gist en quest temp difficil da la pandemia, uschia la giuria.




Ord l'archiv

video
Simon Gabriel – in giuven talent musical da S-chanf (2020)
Or da Telesguard dals 22.09.2020.
laschar ir. Durada: 4 minutas 39 Secundas.

RTR actualitad 17:00 / Telesguard 17:40

Artitgels legids il pli savens

Scrollar a sanestra Scrollar a dretga