En la regiun Malögia datti radund 7'300 objects. Da quels stuessan passa la mesadad vegnir sanads energeticamain. Ultra da quai vegnan radund 70% da las chasas anc stgaudadas cun ieli. Per la regiun in cler indizi ch'igl è da prender mesiras. Sin incumbensa da la regiun Malögia ha Marco Iten, spezialist sin quest sectur, elavurà ina strategia d’energia che propona trais mesiras concretas.
- In post da cussegliaziun: Ils proxims onns han fitg blers possessurs e possessuras da sanar lur chasa. Per simplifitgar las retschertgas duess la regiun organisar in post da cussegliaziun regiunal.
- Ina analisa da potenzial: Quest studi duess mussar las pussaivladads per producir concret forza electrica en la regiun cun differents sistems – sco chalur sutterrana, parcs per sistems solars ed auter pli.
- Ina banca da datas regiunala: La terza e davosa mesira fiss ina centralisaziun da tut las datas da las vischnancas da la regiun. Cun questa banca da datas dessi la pussaivladad da lavurar en l'avegnir bainquant pli effizient.
La strategia vegn proximamain discutada en las vischnancas, suenter la procedura da consultaziun vegn lura la regiun Malögia da decider, tge mesiras che vegnan realisadas.