Siglir tar il cuntegn

Header

cuntegn

Regiun Sesvenna Tschertgar, observar e dumbrar ils capricorns

Mintg’onn a la fin dal mais da zercladur vegn organisada la dumbraziun da capricorns da la regiun Sesvenna.

Radund 450 capricorns han ins dumbrà tranter il Piz Lad gist al cunfin tranter la Svizra, l’Austria e l'Italia enfin en la Val d’Uina e vers vest enfin Lü en la Val Müstair. Tenor il guardiaselvaschina e responsabel per la dumbraziun da Sesvenna, Curdin Florineth, sa tracta quai d’ina cifra constanta che vegn cuntanschida gia dapi plirs onns. Pli blers capricorns han ins observà ils ultims onns surtut vers l'ost da la regiun.

audio
Dumbraziun da capricorns
ord Actualitad dals 22.06.2020. Maletg: RTR, Georg Luzzi
laschar ir. Durada: 3 minutas 4 Secundas.

Bucs vegls èn rars

Dals bucs vegls ston ins avair quità, manegia il guardiaselvaschina. En l'entira regiun Sesvenna han ins numnadamain dumbrà be radund 15 bucs ch'èn pli vegls che 11 onns.

video
Il return dal retg da las Alps (grazia a fraudaders)
Or da Giuventetgna dals 19.06.2020.
laschar ir. Durada: 2 minutas 7 Secundas.

Dumbraziun sur cunfin

Questa dumbraziun, nua che chatschaders sa participeschan ensemen cun ils guardiaselvaschinas è impurtanta per lura planisar la chatscha da capricorns. La dumbraziun na vegn dentant betg be fatga en Svizra. Era ils collegas sur cunfin en l'Italia van il medem di a far la dumbraziun. Uschia vulan ins evitar ch'il medem capricorn vegn dumbrà duas giadas ed a la fin avair cifras uschè precisas sco pussaivel.

RTR actualitad 11:00

Artitgels legids il pli savens