Siglir tar il cuntegn
cuntegn

Engiadina Rendaquint 2017 positiv per Silvaplauna

Il quint annual da la vischnanca da Silvaplauna serra cun in gudogn da bun 42’800 francs. Quai cun expensas pli bassas sco budgetà ed entradas da taglia pli autas.

Silvaplauna.
Legenda: La situaziun finanziala da Silvaplauna è allegraivla. RTR, Violanta Rominger

Surtut grazia ad entradas da taglias spezialas ha la vischnanca da Silvaplauna gì l’onn passà entradas supplementaras da 2,7 milliuns francs. Ed il conto taglia d'ierta e donaziuns ha registrà entradas betg budgetadas da dus milliuns francs.

Investiziuns per l’avegnir

Il rendaquint 2017 permetta er da far amortisaziun per l’edifizi da camping a Silvaplauna da 2,5 milliuns. Ultra da quai po vegnir mess da la vart ina part per la prefinanziaziun da la chasa da tgira planisada Du Lac a San Murezzan e la structuraziun da la vischnanca.

La radunanza communala da Silvaplauna ha d'approvar il rendaquint ils 21 da zercladur.

RR novitads 14:00