La Corvatsch SA ha pudì preschentar a sias acziunarias ed acziunaris in onn da gestiun 2021/22 che serra cun in gudogn da 141’000 francs. Tenor il president dal cussegl administrativ, Franco Tramèr han il preschents approvà er in augment dal chapital d’aczias per 6 milliuns francs. Quai cun cumpensar il debit d’emprests da l’acziunaria principala, la famiglia Niarchos.
Ultra da quai ha la radunanza reelegì il cussegl administrativ ed ils delegads da las vischnancas da Segl, Silvaplauna e Samedan.