Siglir tar il cuntegn

Engiadina Rendaquint da record per societad Movimento

L’organsaziun da tetg dals 4 centers da cumpetenza per glieud cun impediments en l'Engiadina (Ufficina a Samedan, Incontro a Poschiavo, Buttega a Scuol ed a Müstair) ha preschentà a la radunanza generala a Poschiavo in quint che serra cun in gudogn da bun 314'000 francs.

Legende: Video Rendaquint da record per il Movimento abspielen. Laufzeit 02:41 Minuten.
Or da Actualitad video dals 24.06.2015.

D’engraziar saja quel bun resultat tranter auter al maina gestiun Reto Zampatti ch’aveva surpiglià il manaschi cun cifras cotschnas avant 4 onns. Zampatti sez n’è dentant dapi l’avrigl da quest onn betg pli manader da Movimento. Ch’ins saja sa separà dad el e sa cunvegnì davart discreziun, ha declerà Ursla Pedotti, commembra da suprastanza da la societad purtadra Movimento.

Societad cumpra edifizi a Poschiavo

La buna situaziun finanziala permetta uss però da cumprar la chasa a Poschiavo, nua ch’il center Incontro è staziunà actualmain. Per in pretsch fitg favuraivel dad 1,2 milliuns francs po la societad acquistar l’edifizi da la communitad refurmada Poschiavo. 80 % dils custs surpiglia il chantun, il rest ha la societad sezza da pajar. La chasa duai vegnir renovada ed engrondida uschia ch’ella correspunda als basegns d’ozendi per il 2016.

RR actualitad la saira 17:00