Engiadina - Rendaquint da Segl serra cun plus da stgars 123’000 francs
La vischnanca aveva budgetà ina perdita da 632’000 francs per l’onn da gestiun 2014. Las investiziuns dils ultims dus onns han diminuì la facultad per testa marcantamain scriva la suprastanza communala en la missiva.
In regress bad ins tar las entradas da taglia ordinarias ed er midadas da possess haja dat damain l’onn passà. Ellas han cuntanschì be ¾ dal budget. Grazia ad entradas extraordinarias tar la taglia sin il gudogn tras la vendita da bains immobigliars, possa Segl tuttina far amortisaziuns da 427’000 francs.
La radunanza communala da Segl ha dad approvar sper il quint annual 2014 er ils statuts per la nova regiun Malögia.
