Siglir tar il cuntegn

Header

cuntegn

Renovaziun Quasi tut nov en Chamona d'Es-cha

Las lavurs da renovaziun ed engrondiment han cumenzà questa primavaira. Il punct culminant da l'entir fabricat è la montascha dals elements gronds cun il helicopter.

La «Chamanna d’Es-cha» sin territori da Zuoz appartegna a la secziun dal CAS Bernina. Fabritgada l’onn 1934 survegn ella ussa ina renovaziun ed in engrondiment modern.

Quellas lavurs han cumenzà questa primavaira. Perquai che la naiv n’era betg luada bain, han ils responsabels dal fabricat stuì spustar las lavurs adina puspè. Cumenzà han els lura il mez da zercladur.

video
Tut nov - la chamona d'Es-cha vegn renovada
Or da Telesguard dals 19.08.2019.
laschar ir. Durada: 3 minutas 27 Secundas.

Planisà è dad engrondir la chamona cun ina nova cuschina, novas tualettas, stanzas pli pitschnas e spazi da viver per las guardiachamona.

Investiziuns grondas per la secziun dal CAS Bernina

Il fabricat vegn a custar 2,3 milliuns francs. La gronda part, circa 2/3 da quellas, porta la secziun Bernina.

audio
Saira: Chamona d'Es-cha – stan da las lavurs
ord Actualitad dals 19.08.2019.
laschar ir. Durada: 1 minuta 35 Secundas.

Punct culminant

Via helicopter èn vegnids transportads 21 elements gronds tranter 500 enfin 700 kilos sin 2'594 meters sur mar. Ils maranguns han montà quels entaifer in di e mez cun agid da la crew da helicopter. Las lavurs èn sco ina cumbinella, mintga element sto ir bain ensemen cun ils auters. Lavur da precisiun.

RR actualitad 17:00

Artitgels legids il pli savens