Siglir tar il cuntegn

Header

Navigaziun

Legenda: Guardar il video Installaziun da nova lingia da tensiun auta Alvra da Swissgrid. Durada 02:40 minutas.
Or da Telesguard dals 25.06.2019.
cuntegn

Engiadina Reparatura da la lingia d’auta tensiun sin il Pass d’Alvra

Avant otg mais èn cupitgadas quatter pitgas d’auta tensiun tras l’orcan Vaia sin il Pass da l’Alvra. Dapi mez avrigl èn ins vidlonder a remplazzar ellas.

Novs fundaments, novas pitgas, nova lingia d’auta tensiun.
Sin il Pass da l’Alvra è la Swissgrid, la possessura da l’electricitad d’auta tensiun in Svizra, londervi cun gronda pressiun da reconstruir las quatter pitgas d’auta tensiun.

Dapi l’interrupziun è il transfer d’electricitad reducì. La lingia sur l’Alvra è impurtanta per il martgà internaziunal d’electricitad.

Perquai èsi impurtant che la lingia vegn remplazzada uschè spert sco pussaivel.

Lavurs e budget tenor plan

Cun gianellas e detecturs da victimas da lavinas han ins cumenzà mez avrigl cun las lavurs. Ma er sche la sfida era gronda van las lavurs tenor plan. La fin da fanadur saja il fabricat a fin.

Cun ils radund 2,8 milliuns francs che la reconstrucziun da la lingia custa sajan ins en il budget.

lavurent sin pitga d'auta tensiun
Legenda: Las lavurs duain esser a fin la fin da fanadur RTR, Armon Schlegel