Siglir tar il cuntegn

Header

cuntegn

Engiadina Reservat da Biosfera Engiadina Val Müstair elegia Abderhalden

Il cussegl administrativ ha elegì Angelika Abderhalden da Zernez sco manadra da gestiun dal reservat UNESCO-Biosfera Engiadina Val Müstair. Abderhalden cumenza ses uffizi sco manadra da gestiun l'emprim da schaner 2017.

Abderhalden ha studegià tgira da cuntrada ed ha scrit en sia dissertaziun sur dals aspects istorics da las terrassas a Ramosch. Angelika Abderhalden vivan dapi 1995 cun sia famiglia a Zernez ed è co-possessura d’in biro d’ecologia.

Dapi il 2009 maina ella la Fundaziun Pro Terra Engiadina e lavura dapi 4 onns sco manadra da project «biodiversitad» tar il WWF Svizra.

Purtret dal logo da la UNESCO-Biosfera Engiadina Val Müstair.
Legenda: Il Reservat da Biosfera Engiadina Val müstair vul mantegnair il label Unesco. RTR/Grafica

Sco quai ch’il Cussegl dal reservat da Biosfera Engiadina Val Müstair scriva en sia communicaziun, hajan ins cun l’elecziun dad Angelika Abderhalden grondas speranzas d’avair bainsvelt novs impuls per la realisaziun ed il svilup da la biosfera. Abderhalden è emploiada cun in pensum da 40 %.

RR novitads 11:00

Artitgels legids il pli savens