Resistenza cunter dumonda per garanzia da deficit

Ils organisaturs dal Campiunadi mundial da skis a San Murezzan vulan dapli daners dal chantun e da l'Engiadin'Ota. Questa dumonda frunta dentant sin resistenza.

Laschar ir video «Resistenza cunter dumonda da garanzia»

Resistenza cunter dumonda da garanzia

3:08 min, dals 14.12.2016

Ils custs per organisar in tal campiunadi sajan enorms, surtut er en vista al privel per attatgas da terror. In quart milliun dovria quai sulettamain per augmentar il dumber da policists. In mez milliun sajan calculads per dapli infrastructura. Era per il traffic public stoppian ins quintar cun 500'000 francs dapli che previs.

Ils organisaturs dal Campiunadi mundial da skis a San Murezzan han perquai inoltrà ina dumonda per ina garanzia da deficit al parlament d'Engiadin'Ota ed al chantun. Els avessan gugent da mintgin 250'000 francs, pia tut en tut in mez milliun.

Gievgia tracta il parlament regiunal davart questa dumonda che pudess dentant procurar per discussiuns animadas. Entant che la glista libra sustegna la dumonda, n'èn plirs auters commembers betg anc persvas.

La finanziaziun en milliuns CHF

Expensas
Retgav
Organisaziun da cursas - 6Contribuziun FIS / dretgs da reclama
- 31
Logistica
- 19Contribuziuns dal maun public
- 9
Edifizis temporars
- 13Sponsoring da fatgs e equipaders uffizials
- 14
Persunal
- 10Bigliets - 4
Marketing / communicaziun / events
- 12Ospitalitad / VIP - 4
Administraziun e taxas
- 5Ulteriur retgav - 3
Total
65
Total
65