Siglir tar il cuntegn

Header

cuntegn

Restaurant Crusch Alba Nov «vegl» lieu d’inscunter per Guarda

A Guarda manca in lieu per indigens e giasts dal di – il Crusch Alba avra perquai las portas.

A Guarda na datti en l'avegnir nagina pussaivladad pli dad ir spontanamain en in restaurant a mangiar u baiver insatge. Per in vitg sco Guarda n'è quai ina situaziun betg acceptabla, tenor ils iniziants. Perquai è naschida l’idea da realisar in'ustaria popup. L’iniziativa vegn da dus commembers da la Fundaziun Pro Guarda, numnadamain Andri Franziscus e Maria Louise Meier.

Popup

Textbox aufklappenTextbox zuklappen

Il concept è ina cuschina simpla, cun tratgas tipicas engiadinaisas. La finamira è da realisar il project cun uschè pauc persunal sco pussaivel.

Il nov possessur da la chasa Crusch Alba metta a disposiziun quest restaurant nostalgic cun radund 5-6 maisas, cun paraids da lain e cun in tschiel sura dissegnà da l'artist Steivan Liun Könz.

Ina purschida impurtanta per indigens e giasts

Guarda, il lieu enconuschent sco vitg dad «Uorsin» è adina fitg bain frequentà da giasts dal di che vulan vegnir a vesair las chasas tipicas engiadinaisas. Ma era per ils indigens duai il nov «vegl» Crusch Alba puspè daventar in lieu d’inscunter.

L’avertura è previsa a partir dals 13 da zercladur enfin l'october. L'october decidan lura ils dus iniziants co enavant cun lur project.

RTR actualitad 07:00

Artitgels legids il pli savens

Scrollar a sanestra Scrollar a dretga