Cun 19 onns è Efi Pita vegnida da la Spagna en Engiadin’Ota, a La Punt Chamues-ch. Ella era gia maridada cun ses um Andres ed era en speranza cun lur emprim figl.
Jau hai bandunà La Punt Chamues-ch senza dir chau a nagin. Ils 26 d’october er jau simplamain davent.
Cumenzament betg simpel
En Spagna, var in’ura davent da Santiago de Compostela, han Efi ed Andres Pita fabritgà ina chasa direct dasper la mar. Er sche Efi è creschida si en quel lieu, na saja il return betg stà in turnar a chasa. Ella saja baingea cuntenta da betg pli avair naiv – tut il rest la manca però. Il pli grond fastidi fetschia ch’ella vivia uss dalunsch davent da ses trais figls. Er la lingua rumantscha, ina passiun da la Spagnola, manchia fitg.
Cura che nus abitavan en l'Engiadina, avain nus inscuntrà noss trais figls regularmain. Uss n’è quai betg pli pussaivel. Ma per fortuna datti telefonins, uschia che nus avain adina contact.
Suenter trais onns è Efi Pita plaun plaunet sa disada vid la situaziun. Ella haja in grond iert enturn la chasa, uschia ch’ella e ses um hajan adina insatge da far. Ed il plaschair da far vacanzas en Svizra saja adina grond.