Siglir tar il cuntegn

Header

audio
Mezdi: Revista – 100 onns Lia Rumantscha
Or da Actualitad dals 27.12.2019.
laschar ir. Durada: 3 minutas 2 Secundas.
cuntegn

Revista 2019 100 onns Lia Rumantscha

L’emprima mesadad da l'avust 2019 s'èn inscuntrads las Rumantschas ed ils Rumantscha per festivar il giubileum radund.

Cun passa 80 occurrenzas ha la Lia Rumantscha festivà ses giubileum da 100 onns. Il mument culminant da la festa da giubileum è stà la visita dal cusseglier federal Ignazio Cassis ch'ha mussà cun sia preschientscha l’impurtanza da la quarta lingua svizra.

«Tredeschin Retg»

In dals blers puncts culminants da la gronda festa è er stà il teater «Tredeschin Retg». Il teater inscenà cun musica e saut ha giudì gronda popularitad. Tut las preschentaziuns èn stadas vendidas or cumplettamain.

5'000 visitaders

Tras ils dis tematics ch'han represchentà ils differents champs da lavur da la Lia Rumantscha ha gì lieu in viv barat tranter las Rumantschas ed ils Rumantschs da tut las regiuns ed er autras cuminanzas linguisticas. Radund 5'000 visitadras e visitaders han festivà l’anniversari da la Lia Rumantscha.

RTR actualitad 12:00

Artitgels legids il pli savens