Actualmain existan be 10 clubs da Roundnet en Svizra. In da quels è a Puntraschigna, l’unic en il Grischun. Laura Tschenett da Schlarigna studegia sport ed ha emprendì ad enconuscher il sport da roundnet durant ses studi.
En sasez po mintgin giugar Roundnet. Ils megliers giugaders èn simplamain fitg svelts cun lur tratgas.
Durant dus dis vegn cumbattì per puncts al campiunadi svizzer 2021 da Roundnet. En in sistem da k.o. sa duelleschan ils teams sin ina da las 40 plazzas. En tut èn sonda 75 squadras da la partida – 60 teams dad umens, 15 da dunnas. La dumengia giogan ils sportists er en furmaziuns maschadadas.