La populaziun da S-chanf impunda 510'000 francs per meglierar la senda per viandants e velocipedists da muntogna «pass Chaschauna». La radunanza communala da S-chanf ha concedì il credit suenter discussiun animada, communitgescha la vischnanca.
Approvà han 50 votantas e votants a la radunanza communala era il reglament per ils commembers da la cumissiun d'administraziun da l'ovra electrica communala e lur indemnisaziun. Medemamain èn vegnids elegids Curdin Barblan, Giacum Krüger e Duri Campell sco commembers da questa cumissiun. In ulteriur commember vegn elegì en la proxima radunanza communala.
E danov po la vischnanca era incassar ina taxa da chauns, sin basa da la lescha davart il tegnair chauns en vischnanca approvada.
RR novitads 06:00