Durant in'emna intensiva emprendan ils 270 participants en il champ da l'Uniun svizra da sanitad militara (SMS) e la Crusch Cotschna (SRC) a S-chanf la basa da l'emprim agid d'urgenza. Las enconuschientschas ch'ils giuvenils emprendan en trais differents nivels, sajan savens er in trampolin per la via da carriera en las professiuns sanitaras, suttastritga Jack Bähler, il schef dal champ AULA («Ausbildungslager»). El è dapi 20 onns da la partida al champ AULA.
Var 40% dals participants e las participantas dal champ d'AULA instradeschan pli tard ina professiun en direcziun tgira u medischina.
Il champ saja er ina preparaziun optimala per ils futurs schuldads sanitars e da salvament sco er per ils confamigliars dal servetsch da la Crusch cotschna. Il team da direcziun e da scolaziun consista da passa 140 persunas voluntaras dal SMS, SRC e commembers da l'armada.
-
Bild 1 von 12. Scriver si tut, per betg emblidar co reagir. Bildquelle: RTR.
-
Bild 2 von 12. Co reagir en in cas d'urgenza. Tut è standardisà per ch'il agid vegn uschè spert sco pussaivel. Bildquelle: RTR.
-
Bild 3 von 12. Sco emprim vegn demonstrà co la squitta funcziuna... Bildquelle: RTR.
-
Bild 4 von 12. ... ed alura suonda gist il trenament pratic. Bildquelle: RTR.
-
Bild 5 von 12. Co spendrar e transportar insatgi. Bildquelle: RTR.
-
Bild 6 von 12. Fixar endretg è impurtant. Bildquelle: RTR.
-
Bild 7 von 12. Las poppas èn preparadas. Bildquelle: RTR.
-
Bild 8 von 12. Pumpar, dar flad e duvrar correct il defibrillatur automatic. Bildquelle: RTR.
-
Bild 9 von 12. Era per uffants u pops datti poppas. Co reanimar quels è in zic auter che tar persunas creschidas. Bildquelle: RTR.
-
Bild 10 von 12. Jack Bähler, il schef dal champ. Bildquelle: RTR.
-
Bild 11 von 12. Las duas soras Seraina e Madlaina Gotsch da Zuoz. Bildquelle: RTR.
-
Bild 12 von 12. Flurina Perrez, scheffa communicaziun Uniun svizra sanitad militara. Bildquelle: RTR.
A la fin da l'emna cuntanschan ils participants in certificat. Quel vegn renconuschì e vala er sco curs d'agid d'urgenza per l'examen d'auto.