Siglir tar il cuntegn

Header

cuntegn

S-chanf En la gestiun da la deponia n'hai dà naginas irregularitads

A questa conclusiun vegn in rapport d'in biro independent. Uschia ha il president communal infurmà mesemna saira la radunanza communala.

Il rapport era vegnì fatg sin giavisch da la cumissiun da gestiun da S-chanf. Motiv era ch’ina emprima inquisiziun administrativa aveva constatà tschertas irregularitads en la gestiun forestala e da la resgia. Enconuschent era ch'il manader da la deponia era il medem mument manader da la gestiun forestala e da la resgia.

Las conclusiuns

Il biro Alfina Revision SA vegn en ses rapport a la conclusiun, ch'i na dettia nagins muments da suspect per in donn finanzial da la vischnanca chaschunà tras l'anteriur manader da gestiun da la deponia Bos-chetta Plauna. En pli n'hajan ins chattà naginas mancanzas sistematicas en la gestiun ed en l'administraziun. Ed era en ils rendaquints dals onns 2009 fin 2019 n'hajan ins chattà naginas irregularitads areguard quints, pajaments e rapportaziun.

Tenor Riet Campell, president communal da S-chanf, haja la regenza grischuna confermà il rapport e sa mussada satisfatga.

audio
Per tadlar: curt e cumpact
ord RTR Audio dals 18.02.2022.
laschar ir. Durada: 1 minuta 21 Secundas.

RTR novitads 17:00

Artitgels legids il pli savens

Scrollar a sanestra Scrollar a dretga