Siglir tar il cuntegn

Header

audio
Dapli collavuraziun tar ils products turistics, cunzunt quai che pertutga il spazi digital
Or da Actualitad dals 19.08.2021.
laschar ir. Durada: 02:31 minutas.
cuntegn

S-chanf/Zuoz/Madulain Collavuraziun tar gestiun turistica

En connex cun la reorganisaziun da las structuras da la destinaziun turistica d'Engiadin'Ota, la Engiadina San Murezzan SA, haja constatà che las structuras da las vischnancas na correspundian betg - uschia Andrea Gilli, il president communal da la vischnanca da Zuoz. Oravant tut tar la spierta digitala e la vendita dals products sur las medias digitalas na sajan els betg anc sin il livel da la destinaziun.

Perquai han las vischnancas da S-chanf, Zuoz e Madulain surelavurà lur structuras, e decis da collavurar en l'avegnir pli stretg sin il champ turistic. Per realisar questa collavuraziun vulan ellas perquai fundar la societad «Engiadina Plaiv Turissem». La cunvegna da prestaziun cun l'Engiadina San Murezzan SA vegnia er surelavurada. Tranter auter duai la destinaziun gidar en avegnir a stgaffir products turistics.

La radunanza communala da Zuoz ha approvà sco emprima vischnanca la dumonda. Proximamain decidan er la populaziun da S-chanf e da Madulain davart la collavuraziun sin il champ turistic.

RTR novitads 06:00

Artitgels legids il pli savens

Scrollar a sanestra Scrollar a dretga