Siglir tar il cuntegn

Header

cuntegn

Saira d'infurmaziun In virus, ina mutaziun... co vinavant?

Radund 40 persunas èn sa participadas a la saira d’infurmaziun nua ch’experts han respundì dumondas areguard la pandemia.

La societad «Amias ed amis da l'ospital Engiadina Bassa» han organisà ina saira d’infurmaziun. Il virolog Jon Duri Tratschin, il medi da chasa Martin Büsing , il psicolog Urs Trottmann ed era il directur dal Center da sanadad Engiadina Bassa, Joachim Koppenberg han prendì posiziun sin las dumondas e dubis dals preschents.

audio
In virus, ina mutaziun... co vinavant
03:13 min, Actualitad dals 11.08.2021.
laschar ir. Durada: 03:13 minutas.

Per il vicepresident da la societad «Amias ed amis da l'ospital Engiadina Bassa» Urs Trottmann era qua in cler basegn da vulair laschar s’infurmar dad experts. Preschent a la saira d'infurmaziun èn cunzunt persunas sur 50 onns stadas. La maioritad ha fatg la squitta, ma vuleva anc avair ina conferma. Singuls anc indecis, han retschavì infurmaziuns nizzaivlas ed in pensament sur da las consequenzas.

Betg il davos èn ils preschents er vegnids infurmads dal directur dal Center da sanadad CSEB sur da la situaziun e la voluntad da vulair dar il vaccin. Enavant ha el era dà in sguard enavos e raquintà co che l’ospital a Scuol ha agì e reagì durant il temp da pandemia enfin il di dad oz.

La finamira da la saira è stada clera: Ils experts han infurmà da lur experientschas ed empruvà d’argumentar cun pro e contra da laschar dar il vaccin da corona.   

RTR actualitad 12:00

Artitgels legids il pli savens

Scrollar a sanestra Scrollar a dretga