Siglir tar il cuntegn

Header

Video
Salvaders da muntogna dal CAS sid han exercità il «handling» cun il helicopter
Or da Telesguard dals 04.11.2019.
laschar ir
cuntegn

Salvament alpin L'exercizi fa il maister

Exercitar per il cas urgent – ils salvaders da muntogna dal CAS han durant questa fin d’emna gì in curs spezial – il «handling» cun il helicopter.

Preschentas èn stadas tut las instituziuns da salvament, vul dir la Rega, la polizia, il militar, la Helibernina e commembers dals CAS sid – quai per la scolaziun dals salvaders da muntogna dal CAS.

En sasez vegnan quels salvaders terresters en acziun, cura ch'il helicopter na po betg sgular tar in accident en muntogna – sco per exempel, da trid'aura cun tschajera. Ma els vegnan era en acziun tar lavinas e sustegnan uschia la tschertga da la persuna sparida. Il contact cun in helicopter è perquai bain pussaivel e quella situaziun sto vegnir exercitada. Sbagls na pon betg capitar en il cas serius, uschiglio vegn l’entira situaziun da salvament privlusa.

33 commembers dal salvament sid èn sa participads al curs da questa fin d’emna, tranter quels era Antonin Hugentobler da Lavin. Durant in cas d’urgenza surpiglia el la responsabladad per ina truppa, che va a pe al lieu dad accident.

salvader spetga sin il helicopter.
Legenda: Antonin Hugentobler durant la scolaziun RTR, Ulrica Morell

TR Telesguard 17:40