En ina chasa da persunal da l'ospital da l'Engiadin'Ota a Samedan hai ars la sonda saira enturn las 18:00. Vischins hajan vesì, ch'i vegniva fim ord ina abitaziun ed hajan alarmà ils pumpiers, scriva la Polizia chantunala. Ils pumpiers hajan pudì evitar ch'il fieu sa derasia.
Cura ch'igl ha brischà sa chattava nagin en l'abitaziun. Abitantas ed abitants da las autras abitaziuns èn vegnids evacuads curtamain, ma han bainprest pudì turnar en lur abitaziuns. Il donn material munta tenor communicaziun da la polizia a plirs 10'000 francs.