Legenda:
Pervia da sia posiziun tranter Puntraschigna, Silvaplauna ed il Corvatsch saja la Chamanna Coaz ina destinaziun d'excursiun ideala en l'Engiadin'Ota, scriva la regenza.
MAD
La Chamanna Coaz dal CAS en l'Engiadin'Ota duai vegnir renovada. La regenza conceda per quai intent ina contribuziun chantunala da passa 110'000 francs. Quel import datti en connex cun in emprest da 480'000 francs en il rom da la nova politica regiunala da la Confederaziun. Ulteriurs 100'000 francs vegnan ord la finanziaziun speziala «sport» dal chantun.
Previs èsi d'augmentar la qualitad da pernottar en la Chamanna Coaz. Il dumber da plazzas da durmir vegn perquai reducì sin var 55. La chamona duai attrair var 2'500 giasts dal di.