Causa la pandemia ha il Cor Viril da Samedan gì da spustar sia festa da giubileum sin la primavaira 2023. En occasiun dal concert annual envida il chor ad ina sairada da cumpagnia, nua che er trais chors da giast chantan.
- Il Coro Misto Bregaglia
- Il Chor viril da Jenins
- Il Coro Eco del Mera
L’istorgia dal Cor Viril da Samedan va enavos dapli che 100 onns. Documents istorics ed avis mussan, quant blers chantadurs passiunads ch’èn gia derivads ord la vischnanca Samedrina.
-
Bild 1 von 6. Bildquelle: Omar Iacomella.
-
Bild 2 von 6. Sper il chant, tutgan er numerus viadis tar il program da l'onn per ils chantadurs dal Cor Viril Samedan. Quà a Salzburg l'onn 2000. Bildquelle: mad Cronica Martin Huder.
-
Bild 3 von 6. Il Cor Viril da Samedan durant ina festa da chant federala il 1973. Bildquelle: mad Cronica Martin Huder.
-
Bild 4 von 6. Il comité d'organisaziun Festa chantunala 1962 a Samedan. Bildquelle: mad Cronica Martin Huder.
-
Bild 5 von 6. Il Cor Viril Samedan a la festa da chant a Tusaun l'onn 1925. Bildquelle: mad Cronia Martin Huder.
-
Bild 6 von 6. Reto Filli, president dal Cor Viril Samedan dapi il 2011. Bildquelle: RTR.
Pli baud quintava il chor bunamain 90 commembers, oz consista il Cor Viril da Samedan anc da 22 chantadurs, per gronda part en la vegliadetgna da 65+. Chattar novs chantadurs giuvens, saja grev, uschia il president da la societad, Reto Filli.
A nus manca la giuventetgna che sa participescha a las societads. Quai na va betg be a nus uschè, quai è dapertut il cas.
Entant haja il chor er gia tschertgà contact cun auters chors en val ed exercitescha mintga auter mardi ensemen cun il chor viril Frohsinn da San Murezzan. La finamira da la societad è tenor Reto Filli, d’avair er anc ils proxims 100 onns in chor viril a Samedan.
La festa da giubileum «100 onns Cor Viril Samedan» ha lieu la sonda saira, 29 d'avrigl 2023 a las 20:30 h en la baselgia catolica a Samedan.