Siglir tar il cuntegn

Header

Video
Futur intschert per scola media spezialisada
Or da Telesguard dals 11.09.2019.
laschar ir
cuntegn

Samedan Futur intschert per la scola media spezialisada

Avant otg onns è vegnida la scola media spezialisada SMS a Samedan. Intgins onns hai lura anc dà parallel la scola media commerziala, fin che quella n'ha betg pli rendì ed è vegnida stritgada.

La SMS dura trais onns e po vegnir absolvida en duas direcziuns spezialisadas. Ubain sa preparan giuvenils intensivamain sin mastergns pedagogics u en il sectur da sanadad.

Il problem da la scola media spezialisada SMS (Fachmittelschule FMS) a Samedan è che memia paucs giuvenils èn interessads da questa scolaziun. En las trais classas datti actualmain total 21 scolars. Questa cifra na cuvra betg ils custs. Per che la scola renda, duvrassi tenor Sigi Asprion almain 16 scolars. Cun divrar sinergias en scola lura tanschessi er cun 12 scolaras e scolars per classa, pia 36 scolars. Perquai ha l’Academia Engiadina uss fatg ina dumonda da sustegn al chantun. Senza l’agid finanziala dal chantun stat il futur da la scola media spezialisada a Samedan tenor il directur da l’Academia Engiadina, Sigi Asprion en las stailas.

Sch'il chantun na gida betg, vegni grev da cuntinuar.
Autur: Sigi Aspriondirectur Academia Engiadina

L’onn che vegn e segirà

Cler è che la scolaziun vegn offerta segir anc l’onn che vegn. Sco i va vinavant lura, dependa da la resposta dal chantun. Quella spetga il directur da l’Academia Engiadina uschè spert sco pussaivel.

Plazzas han da daventar pli attractivas

In auter aspect che la scola è da pitschen interess è tenor Sigi Asprion che las plazzas en ils secturs pedagogics ed il sectur da sanadad sajan memia pauc attractivas. Ils purschiders hajan da daventar pli activs. Els sajan dumandads da far gust per questas clamadas, uschia gudagnass er la scola.

Ord l'archiv

Video
Telesguard vom 02.04.2003
Or da Telesguard dals 02.04.2003.
laschar ir

RR actualitad 12:00