Peter Frehner è stà durant quatter decennis magister da geografia al Lyceum Alpinum a Zuoz. Sper l’instruir la teoria il saja gia adina stà a cor er la pratica. Uschia ha l’um che abitescha a S-chanf organisà durant quel temp numerus viadis cun scolaras e scolars en il Canada u er faschond en tut 15 projects umanitars en la Rumenia cun il «Corps of Volunteers».
Adina cun sai en sia valisch è sta l’apparat da fotografar. L’emprim en furma analoga, pli tard sco camera digitala. Durant ils numerus inscunters cun la populaziun da las differentas terras, è adina puspè reussì a Peter Frehner da tschiffar mument spezials cun ses apparat da fotografar.
200 fotografias en l’exposiziun
Ina selecziun da quellas nundumbraivlas fotografias ch’el ha fatg ils ultims 40 onns, expona Peter Frehner uss en la Porta Samedan, il bajetg nua ch’er la Migros è dachasa. En occasiun da la vernissascha dals 25 da november 2023 vul Peter Frehner er porscher ina pussaivladad a tut ses anteriurs scolars e scolaras da sa vesair puspè ina giada.
-
Bild 1 von 13. L'inscunter in chaun da schlitta ha Peter Frehner memorisà cun sia camera. Bildquelle: Peter Frehner.
-
Bild 2 von 13. Er impressiuns da la glisch da polar fan part a l'exposiziun «T'algordast» da Peter Frehner. Bildquelle: Peter Frehner.
-
Bild 3 von 13. Bildquelle: Peter Frehner.
-
Bild 4 von 13. Bildquelle: Peter Frehner.
-
Bild 5 von 13. Numerus inscunters cun ils indigens ha Peter Frehner en ses archiv da fotografias dals ultims 40 onns. Bildquelle: Peter Frehner.
-
Bild 6 von 13. Bildquelle: Peter Frehner.
-
Bild 7 von 13. Savens èn animals en il focus dal magister pensiunà. Bildquelle: Peter Frehner.
-
Bild 8 von 13. er fotografias che Peter Frehner ha elavurà digitalmain fan part da l'exposiziun a Samedan. Bildquelle: Peter Frehner.
-
Bild 9 von 13. Bildquelle: Peter Frehner.
-
Bild 10 von 13. Bildquelle: Peter Frehner.
-
Bild 11 von 13. Bildquelle: Peter Frehner.
-
Bild 12 von 13. Peter Frehner cun Maximilian Welte, in da ses numerus anteriurs scolars al Lyceum Alpinum. Bildquelle: RTR.
-
Bild 13 von 13. Ina da las passiuns da Peter Frehner è il fotografar. Bildquelle: RTR.
Cuntradas, animals e persunas
Ils motivs da las fotografias en colur ed er en alv e nair èn savens maletgs dad animals, ma er da cuntradas, atmosferas ch’il magister da geografia ha recepì viagiond cun sia camera. Ils maletgs èn exponids vid las paraids lung las stgalas ed ils tarpuns rullants en la Porta Alpina fin la stad 2024. La vernissascha è ils 25 da november 2023 a partir da las 18:00.