Siglir tar il cuntegn

Header

audio
Bunura: Academia Engiadina – Acziun da solidaritad
Or da Actualitad dals 05.12.2019.
laschar ir. Durada: 02:41 minutas.
cuntegn

Samedan Grassins per in bun intent

Dapi tschintg onns fan ils collavuraturs da l’Academia Engiadina a Samedan grassins cun confitura e vendan quels al martgà da San Niclà per in bun intent. Cun l’import che vegn ramassà fan els ina donaziun ad in’organisaziun d’agid.

Enconuscher l'organisaziun d'agid

Impurtant è per Cilgia Giovanoli, la responsabla dal marketing da l’Academia Engiadina, che ins enconuscha l’organisaziun e ch' ins è segir che ils raps rivan tar la glieud che han da basegn agid.
Quest onn trametta il team da l’Academia Engiadina ils raps ad ina absolventa da la scola che ha lantschà in project sin l’insla Samos en Grezia.

Er il team po profitar

Da far quest’acziun ensemen cun tut il team ha tenor Cilgia Giovanoli plirs avantatgs. Il spiert da cuminanza crescha ed il medem mument gida la lavur che tuts sa participeschan a glieud che ha da basegn d'agid.

Per nus èsi impurtant che nus faschain in’acziun per dar vinavant ina part dal luxus che nus avain en Svizra.
Autur: Cilgia Giovanoliresponsabla dal marketing da l'Academia Engiadina

RTR, actualitad 6:00

Artitgels legids il pli savens

Scrollar a sanestra Scrollar a dretga