Pervi da la situaziun actuala ha la vischnanca da Samedan decis da sajettar lavinas en il territori Padella. Ils territoris periclitads pervi dal sajettar lavinas han ord quest motiv stuì vegnir evacuads il glindesdi suentermezdi a partir da las uras 13:00 entras ils pumpiers. Pertutgads eran parts dals quartiers Cristolais, San Bastiaun, Via Veglia e Funtanella.
Nagina lavina vegnida giu
Curt suenter las 15:00 è in helicopter sgulà al Piz Padella. A la spunda da la muntogna hajan ins mesirà 1,3 meters naiv frestga. Curt suenter las 15:30 han ils abitants lura puspè pudì turnar en lur abitaziuns. Tenor il chanzlist Claudio Prevost n'exista nagin privel pli. Ina lavina na saja betg vegnida giu.
audio
Per tadlar curt e cumpact
ord RTR Audio dals 07.12.2020.
laschar ir. Durada: 1 minuta.