Siglir tar il cuntegn

Header

video
Muottas Muragl: Lavurant da la funiculara grev blessà
Or da Telesguard dals 13.04.2022.
abspielen. Laufzeit 24 Sekunden.
cuntegn

Samedan Lavurant da la funiculara Muottas Muragl grev blessà

A Samedan è in lavurant da 61 onns sa blessà grevamain il mardi cun lavurar vi dal trassé da la funiculara Muottas Muragl. En tut eran trais umens vi da lavurar cura ch'in telefon ha annunzià ch'ina cabina saja da viadi ensi. La cabina haja lura tschiffà il lavurant e stratg suenter l'um circa 10 meters, sco la Polizia chantunala scriva. L'um blessà grevamain vid la chomma sanestra ha la Rega sgulà en l'Ospital chantunal a Cuira.

Cun agid dal Servetsch svizzer d'inquisiziun da segirezza (SUST) investighescha la polizia ensemen cun la procura publica co l'accident è capità. Il Care Team Grischun è s'occupà da las collavuraturas ed ils collavuraturs.

RTR novitads 17:00

Artitgels legids il pli savens

Scrollar a sanestra Scrollar a dretga