Siglir tar il cuntegn

Header

cuntegn

Samedan Refurmo ponderescha da construir abitaziuns per indigens

Tranter Segl e S-chanf en Engiadin’Ota datti 22 baselgias evangelicas. Quellas baselgias stattan sut protecziun da monuments ed han uschia da vegnir mantegnidas. Per part han ellas er basegn da sanaziuns pli grondas. Quai custa – ed il fatg che la raspada ha mintg’onn pli paucas commembras e commembers, ha motivà la suprastanza da reelavurar la strategia d’utilisaziun dals edifizis e dal terren da construcziun.

audio
Propostas da Refurmo per l'utilisaziun dal terren a Samedan
ord Actualitad dals 07.02.2023. Maletg: RTR
laschar ir. Durada: 2 minutas 56 Secundas.

30 abitaziuns a Cristansains e Promulins

En tut èn vegnidas furmadas tschintg gruppas da lavur en differentas vischnancas. La gruppa a Samedan ha elavurà propostas per l’utilisaziun da duas parcellas en la vischnanca. Il territori Cristansains purschess lieu per duas chasas à var 10 abitaziuns ed a Promulins pudess vegnir fabritgada ina chasa cun 10 abitaziuns.

Nus surdain il terren en dretg da fabrica. La pretaisa è ch’i vegnan fabritgadas abitaziuns pajablas per indigens u per instituziuns socialas.
Autur: Aita Bivetti Suprastanta Refurmo

Raspada decida

Ad ina sairada d’infurmaziun è la populaziun vegnida infurmada davart las ideas e pretaisas per in contract da dretg da construcziun. Interessents hajan uss la pussaivladad d’inoltrar lur dumondas a la suprastanza da Refurmo, uschia Aita Bivetti. Quella selecziuneschia lura trais projects. A la radunanza generala dal november ha lura da decider la plaiv evangelica tgenin dals projects che duai vegnir realisà.

RTR actualitad 17:00

Artitgels legids il pli savens