Siglir tar il cuntegn

Header

audio
Samedan: Digren tar la scola mercantila
Or da Actualitad dals 17.10.2022.
laschar ir. Durada: 3 minutas 53 Secundas.
cuntegn

Samedan Temp difficil per la scola professiunala

Avant 10 onns quintava la scola professiunala a Samedan var 300 scolaras e scolars. Oz èn quai anc 167. Tenor Gian Carlo Simonelli, il mainascola, ina situaziun pauc legraivla e fitg difficila. Ils motivs èn tranter auter il svilup demografic e gist ils ultims onns er la pandemia da corona. Tras quella eran emprendissadis da prova numnadamain rars. Ed er il trend actual da las scolas medias badia la scola professiunala a Samedan, uschia Gian Carlo Simonelli.

Prescripziuns dal chantun fan fastidi

Tras las paucas emprendistas ed emprendists saja adina pli difficil da metter ensemen classas che correspundan a las prescripziuns dal chantun. Sche quellas èn memia pitschnas vegnan las professiuns pertutgadas transferidas a Cuira. Ils ultims quatter onns ha la scola en Engiadin’Ota pers tschintg professiuns.

Sch’il dumber da scolaras e scolars è uschè pitschen che nus avain custs memia auts, èsi a fin cun porscher spiertas da maniera decentrala.
Autur: Jon Domenic Parolini cusseglier guvernativ

Optimar uraris d’instrucziun

La sfida per meglierar la situaziun da la scola professiunala è tenor Gian Carlo Simonelli gronda. Impurtant saja d’optimar ils plans d’instrucziuns, uschia che las professiuns existentas possian vegnir mantegnidas. La scola sco tala na saja betg periclitada, quai demussia il fatg che la regenza ha decis plirs credits – tranter auter per sanar la chasa da scola.

Or da l'archiv

video
La scola professiunala da Samedan tschertga emprendists
Or da Telesguard dals 14.04.2016.
laschar ir. Durada: 4 minutas 16 Secundas.

RTR actualitad 17:00

Artitgels legids il pli savens

Scrollar a sanestra Scrollar a dretga