Maurizio Folini ha 59 onns ed è pilot da helicopter, pur, guid da muntogna e magister da skis. Dapi bainprest 30 onns lavura el en Engiadina ed ha ramassà durant quel temp passa 16’000 uras en l'aria sin tut il mund. Il pilot ch'è oriundamain da la Vuclina sgola dapi 13 onns era tranter dus differents munds – numnadamain tranter l’Engiadina ed il Nepal.
Il salvament da helicopter il pli aut
Maurizio Folini è in pionier, quai che reguarda il salvament da helicopter en la regiun dal Himalaya. El è l’emprim pilot che ha salvà alpinists sin in’autezza da 7’800 meters sur mar. Quai è enfin ussa il pli aut insumma.
Il pilot tranter dus munds
-
Bild 1 von 5. Sgol sur l'Engiadina. Maurizio Folini enconuscha l'Engiadina da surengiu sco sia giaglioffa. Bildquelle: RTR.
-
Bild 2 von 5. Dapi 30 onns pilot. El ha dapi che 16'000 uras da sgol. Bildquelle: RTR.
-
Bild 3 von 5. Hoch hinaus – Wahnsinn am Everest. En la seria da Hoch hinaus è Maurizio Folini in dals protagonists. Bildquelle: SRF.
-
Bild 4 von 5. Limits er in Engiadina. Era en Engiadina rivan ils pilots als limits. Bildquelle: RTR.
-
Bild 5 von 5. Pilot, pur, guid da muntogna e magister da skis. Maurizio Folini ama la variaziun. Bildquelle: RTR.
Maurizio Folini va per regla ina giada l'onn a lavurar pliras emnas en la regiun dal Himalaya. El gida cun ses sgols per part ristgads a far transports d'alpinists ch'èn en privel. Da pudair ir en il Nepal e dar enavant sia savida ad auters, quai valia per el fitg bler e dettia er satisfacziun.