Sonda mezdi è ina dunna vegnida en ina lavina e morta. Quai è capità en il territori da skis da Samignun. Ensemen cun ina segunda skiunza haja la dunna prendì ina ruta che servia actualmain sulet a maschinas da pista, scriva la Polizia chantunala.
Ina da las dunnas è vegnida sepulida sulet per part. Quella han ins transportà en l'ospital da Zams, en l'Austria. La segunda dunna han las forzas da salvament chattà pir pli tard cun agid d'in chaun da lavinas. Quella è vegnida sgulada en l'ospital da Son Gagl, nua ch'ella è morta vi da las blessuras.